5. Akileraartarnermut isertitat pillugit kisitsisitigut paasissutissat
Akileraartarnermut isertitanut nalunaarsuutit tassaapput isertitat pillugit kisitsisitigut paasissutissani piffissami sivisunerpaami pigineqartut, immikkut soqutiginaatilimmik oqaluttuarisaanermik ersersitsisoq. Ukiut ingerlanerini akileraartarnermut inatsisit allanngortarneri aamma nalunaarsuinerni periutsit allanngortarneri eqqarsaatigalugit, akileraartarnermut isertitat pillugit kisitsisitigut paasissutissani tamanna eqqumaffigineqartariaqarpoq.
2020-mi isertitat akileraarutaasussat ataatsimut 12,3 mia. kr.-upput, akileraarutissaviillu 4,4 mia. kr.-ullutik. 1990-ikkut qiteqqusimalerneraniilli taakku qaffakkiartorsimapput, titartagaq 5.1. takuuk.
Titartagaq 5.1. 1988-imiit 2020-mut isertitat akileraarutaasussat akileraarutissaviillu ineriartornerat
Najoqqutaq: https://bank.stat.gl/INNSS101
2020-mi isertitat ataatsimut akileraaruteqaataasussat ukiup siulianut sanilliullugit 627 mio. kr.-nik qaffariarsimapput, tamannalu qaffariaat 5,4 pct.-iuvoq. Titartakkami 5.2.-mi takuneqarsinnaavoq ataatsimut akileraaruteqaataasussat ukiut kingulliit arfinillit ingerlanerini qaffangaatsiartarsimasut.
Titartagaq 5.2. 1989-imiit 2020-mut isertitat akileraarutaasussat ukiumiit ukiumut ineriartornerat
Najoqqutaq: https://bank.stat.gl/INNSS101
Titartakkap 5.3-mi ersersinneqarpoq Kommuneqarfik Sermersuumi isertitat ataatsimut akileraaruteqataasussat ataatsimullu akileraarutissaviit malunnartumik kommuninut allanut sanilliullugit annertunerusut. 2020-mi nuna tamakkerlugu isertitat akileraaruteqaataasussat 50,2 pct.-iat, nuna tamakkerlugu isertitanit akileraarutit 51,3 pct.-iat, Kommuneqarfik Sermersuumeersuupput.
Titartagaq 5.3 2020-mi isertitat ataatsimut akileraaruteqaataasussat ataatsimullu akileraarutissaviit kommuninut akileraarfissamut immikkoortillugit
Najoqqutaq: https://bank.stat.gl/INNSS101
1988-imiit 2020-mut kommunini ataasiakkaani Naatsorsueqqissaartarfiup kisitsisaataasiviani pissarsiarineqarsinnaapput.